Den 8. Mee ass den neien CESAS an der Rue de la Fonderie ageweit ginn. D’EGMJ war mat dobäi. Fannt hei e puer Impressiounen vun de Feierlechkeeten:
Eis Aktualitéiten
Säit Ufank Mee gëtt d’Administratioun vun der EGMJ verstäerkt duerch eis nei Mataarbechterin Valérie Ricciardi.
Déi ganz Equipe freet sech op eng gutt Zesummenaarbecht! Am folgende kuerzen Text stellt si sech selwer vir:
Gudde Moien,
Säit dem 2. Mee schaffen ech bei der EGMJ aus Gestionnaire Adminstratif.
Ech sinn ausgebilten Grafikerin an hunn bis elo am Liewensmëttelhandel geschafft.
Et war fir mech elo un der Zäit mir een neien Defi an Ziel ze ginn.
Mat grousser Freed schaffen ech elo fir dës Associatioun déi sech em Jugendstrukturen këmmert. Ech wäert op jiddefalls méin Bescht ginn fir d’Team beschtméiglech ze ënnerstëtzen an meng laangjäreges Erfarung aus Grafikerin wäert der Entente och « visuel » deen néidegen Päpp mat op den Wee ginn.
Ech freeën mech op all nei Erausfuerderung.
Bescht Gréiss.
Valérie Ricciardi
Tél: 26 29 32 35
Mir begréisse ganz häerzlech de Lucas am Team vun der EGMJ, deen d’Equipe vum 30.4. bis 8.6. am Kader vu sengem administrative Stage verstäerke wäert.
Hei stellt hien sech selwer vir:
Moien,
Ech sinn de Lucas Soave, Schüler aus dem Lycée Technique de Bonnevoie an ech wäert als Stagiaire vum 30. Abrëll bis den 8. Juni d’EGMJ ënnerstëtzen. Ech kommen aus enger 13eme Technicien Administrative et Commerciale an hunn wëlles bei der EGMJ vill Erfarung ze kréien a motivéiert matzeschaffe wärend der Stagezäit.
Mäin Grond fir wat dass ech bei d‘EGMJ komm sinn, ass well ech gären mat Jugendlechen a mengem Alter schaffen, a well déi Stageplaz ganz ofwiesslungsräich ass. Ech hoffen dass ech gutt Iddie mat era bréngen an der EGMJ hëllefe weiderzekommen.
Ech freeë mech fir eng gutt Relatioun opzebauen an eng gutt Zäit ze hunn. 
Eisen neie Mataarbechter am Kader vum Projet „Outreach Youth Work – Maisons des Jeunes“, Daniel WEIS, stellt sech vir:
Gudde Moien,
vun Abrëll bis Juni 2018 ënnerstëtzen ech d’EGMJ als Chercheur am Kader vum FSE-Projet „Outreach Youth Work – Maisons des Jeunes“.
Déi lescht fënnef Joer hunn ech op der Uni Lëtzebuerg an der Jugendfuerschung geschafft an do a verschidde Projeten Abléck an déi Situatioun vu Jonker a jonk Erwuessener hei zu Lëtzebuerg kritt. Ënner anerem hunn ech am Jugendbericht 2015 matgeschafft.
Zesumme mat enger Kollegin hunn ech och de Projet „Outreach Youth Work – Maisons des Jeunes“ evaluéiert a begleet. Mir hunn festgestallt, dass de Projet insgesamt e groussen Erfolleg war: Inaktiv, benodeelegt Jonker, déi hir Motivatioun verluer haten, konnten nees aktivéiert ginn a hunn eng nei Perspektiv fonnt. Mir hu mat Jonker, déi um Projet deelgeholl hunn, geschwat a si hunn eis gezielt, dass si immens frou waren iwwert d‘Hëllef an Ënnerstëtzung, déi si duerch Outreach Youth Work kritt hunn.
Ech freeë mech, dass ech déi nächst dräi Méint am Projet matschaffen a hoffentlech dozou bäidroe kann, den Erfolleg vum Projet weiderzeféieren.
Ech sinn Dënschdes an Donneschdes am Büro. Dir erreecht mech ënnert der Telefonsnummer 26 29 32 40 oder per Mail op daniel.weis@egmj.lu.
DLJ -Facebook Säit
